e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Preaz
Anteriura vischnanca polit., cirq. Tusaun, distr. Rain Posteriur (avant il 2001 Mantogna). Fusiunada il 2010 cun <elirlink href="aid:3327">Purtagn</elirlink>, <elirlink href="aid:2678">Sarn</elirlink> e <elirlink href="aid:2925">Tartar</elirlink> a Cazas. Vitg accumulà, situà sin la Mantogna, cun las fracz. da <elirlink href="aid:3288">Dagliegn</elirlink> e Raschlinas e cun bains isolads. 1290/98 <em>Paretz, </em>tud. Präz (uffiz.). 1803 286 abit.; 1850 303; 1900 201; 1950 231; 1990 145; 2000 178. Il 1958 han ins chattà a Raschlinas ina stela lepontica dal 3. tsch. a.C. cun in'inscripziun etrusca. Il 1290 èn menz. colons dal bain episcopal da Scharons, il 1370 tals da la claustra da Cazas. Il chastè da Heinzenberg (tur da ca. 1200) era la sedia dals signurs de Vaz, alura dals de Werdenberg e de Razén. Il 1475 è ida la suveranitad (senza il chastè) a l'uvestg da Cuira. Ecclesiasticamain ha appartegnì P. a la plaiv da Munt S. Gion (Reziòlta), a partir dal 1505 a quella da Purtagn. Il 1495 è attestada la chaplania, il 1519 in'atgna plaiv (consecrada a s. Maria e s. Gieri), il 1522 la chaplutta da S. Onna a Dagliegn (spazzada). Refurmaziun suenter il 1525. Il 1709 ha la vischnanca cumprà ora ils davos dretgs episcopals. Fin il 1854 è P. stà in vischinadi dal cumin da Mantogna. Construcziun da la via charrabla a Schauenberg 1904. Meglieraziun 1942-55. P. viva o.t. da l'allevament da muvel e d'in pau cultivaziun dad ers.</p>
Archiv:
Ovras:
Funtaunas:
Litteratura:
Kdm GR 3, 208-10; Gem. GR, nr 116, 1982; Gem. GR, 2003, 246 s.
Jürg Simonett
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Pratval