e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Process per striegn Protecziun da l'ambient  Promontogno Fracziun da l'anteriura vischnanca polit. da Buond (dapi il 2010 vischn. da Bergiaglia), construida lung la via en la part sut da la Bergiaglia. 1348 <em>Primentonia</em>. P. sa chatta al pe da la staziun rom. <em>Murus</em> (numnada era <em>Porta </em>u <em>Müraia</em>), menz. enturn l'onn 250. In grip traversal (a 942 m) sur P. divida la Bergiaglia en duas unitads geograficas ed istoric-politicas: Sottoporta e Sopraporta. P. ha furmà dapi il 1535 ina fracziun da la vischnanca da Sottoporta, dapi il 1879 ina tala da Buond. Il 1622 è la vischnanca vegnida intschendrada da truppas spagnolas. A l'entsch. dal 21. tsch. vegnivan anc explotadas a P. las famusas plattas da gnais, utilisadas per construir tetgs da chasas en Bergiaglia ed utrò. Grazia a l'Hotel Bregaglia, construì il 1875-76, è P. daventà il center turistic da Sottoporta.</p> Archiv: Ovras: Funtaunas: Litteratura: Kdm GR 5, 394-412; F. Fasciati e.a., Das Bergell sehen, kennen, erleben, 1981²; Gem. GR, nr 15, 1982; Hotel Bregaglia - Ein Findling im Bergell, edì dad I. Rucki, S. Keller, 2009. Adolf Collenberg  Process per striegn Protecziun da l'ambient  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: