e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Punt Arsa Punt Chamues-ch, La  Punt Arsitscha Punt dal temp medieval en la vischnanca da Giuvaulta. La P. maina sur l'aual da Veulden (Val da Pedra) a la sbuccada da quel en il Rain Posteriur, en vischinanza da la curt da Ravetg (vischn. da Razén). Il num deriva da "punt arsa". I n'è betg enconuschent cura e pertge ch'ella è vegnida incendiada. 1368 <em>pont Arsetz</em>a, 1423 <em>Pont Arsitscha</em>. La localisaziun da la P. tar la baselgia da S. Gieri a Razén n'è betg cumprovada. En il temp medieval furmava ella in cunfin tr. il <em>Ministerium Curisinum</em> carolingic (pli tard <em>Cent </em>Cuira) e la <em>Tumillasca</em> (Tumleastga), alura tr. ils districts da chastellania ed ils signuradis feudals. Dapi il 15. tsch. separava la P. las veglias corporaziuns da la Tumleastga/Mantogna e da Razén (brev da federaziun da la Tumleastga dal 1423), pli tard ils cumins ed ils vischinadis. Sur questa punt passava il traffic nord-sid da la vart dretga dal Rain.</p> Archiv: Ovras: Funtaunas: Litteratura: P. Liver, Die P. als historischer Grenzpunkt, en: BM, 1978, 36-51; Planta, Verkehrswege 4 (charta nr 6 annectada). Adolf Collenberg  Punt Arsa Punt Chamues-ch, La  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: