e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Punt Traversa Punt/Rehanau, La  Punt Veder Punt en la vischnanca da Panaduz che maina ca. 2 km al vest da La Punt/Rehanau, tar il Prau Veder, sur il Rain Anteriur. Veglia colliaziun da Panaduz sur Trin en Surselva e da Planezzis sur Tumein al Pass dal Cunclas (pli u main lung la via champestra odierna). L'ascensiun (24%) a dretga dal Rain vers la planira da Panaduz correspunda a quella da la via champestra odierna. La P. vegniva survegliada dal chastè da Wackenau (oz en ruina), situà sin in sparun var 500 m dal Rain ensi sur La Punt/Rehanau. Ella permetteva da sviar il passadi privlus per Versomi u serviva a quels che vegnivan sur il Cunclas a guntgir la duana a La Punt/Rehanau. Il rempar (9 x 10 x 2 m) en vischinanza da la punt na sa lascha betg datar senza exchavaziuns. Il 2010 è vegnida averta al vest ina nova punt da lain suspendida sur il Rain (105 m, construida da Walter Bieler) che collia las cuntradas da Trin e Panaduz.</p> Archiv: Ovras: Funtaunas: Litteratura: Clavadetscher/Meyer, Burgenbuch, 177; Planta, Verkehrswege 4, 230 s.; Revista Trin, inviern 2010, nr 31, 16 s. Adolf Collenberg  Punt Traversa Punt/Rehanau, La  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: