e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Michel, Luzi Migraziuns  Migiuria Il term migiuria (lad. majaria) designava oriundamain ina gronda curt u in bain agricul sco center d'in signuradi ecclesiastic u profan che cumpigliava savens in'entira culegna (<em>villa</em>); en il senn modern munta el in bain a fittanza (tud. Meierei, Meierhof). Il pled deriva dal lat. <em>maior</em> cun suffix <em>-ia</em> (surs./suts./rg migiur; lad. mêr; surm. migiour) che designava ina persuna superiura, ma era in fittadin, in associà d'alp u in cussedent dal medem mises. A la migiuria correspundeva il term <em>villicatio</em>. En il 13. tsch. cumpara la migiuria sco associaziun legala cun in agen dretg constituziunal episcopal (<em>ius villicationis</em>). Il superiur en la migiuria era il migiur (<em>villicus</em>). Il terren d'ina migiuria vegniva elavurà da servs senza agen funs. La migiuria cumpigliava ultra da quai in dumber variant da "huobas" u "mansas" (<em>coloniae</em>) che vegnivan cultivadas da fam. purilas mez libras. Il term migiuria cumpara en numerus toponims sco Mairia, Maria (p.ex. Segl Maria), Miria, Müria u Maran (Arosa).</p> Archiv: Ovras: Funtaunas: BUB 1-3. Litteratura: Martin Bundi  Michel, Luzi Migraziuns  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: