e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Museum da la natira dal Grischun Museums grischuns  Museum retic La fundaziun d'in Museum retic è vegnida postulada il 1850/51, senza success, da Peter Kaiser. A l'entsch. dal 1869 han Peter Conradin Planta ed otg exponents da la politica constituì ina Fundaziun per la scienza e l'art en il Grischun cun in import da partenza dad 8600 francs. Ils 30-11-1869 è vegnida fundada en il restaurant Rebleuten a Cuira la Societad per la collecziun, zavrada e conservaziun d'antiquitads dal Grischun, cun P.C. Planta sco emprim pres. e Placidus Plattner sco actuar. La Societad istoric-antiquara dal Grischun (oz Societad istorica dal Grischun) gist fundada ha realisà il Museum retic en la Chasa Buol a Cuira. L'emprim conservatur è stà il cont Robert von Salis. Il Museum retic, avert il zercl. 1872, è dapi il 1928 ina fundaziun publica, purtada dal chantun Grischun, da la citad da Cuira e da la Societad istorica dal Grischun. En ils onns 1960-75 ha Hans Erb transfurmà il Museum retic d'ina collecziun d'antiquitads en in museum modern. Directurs: Robert Graf von Salis 1872; Gallus Marchion 1873-91; Fritz von Jecklin 1891-1927; Constanz von Jecklin 1927-32; Lorenz Joos 1932-55; Hercli Bertogg 1955-58; (vacanza 1958-60); Hans Erb 1960-76; Leonarda von Planta 1976-82; Ingrid R. Metzger 1982-02; Jürg Simonett 2003-.</p> Archiv: Ovras: Funtaunas: Litteratura: H. Erb, Das Rätische Museum, ein Spiegel von Bündens Kultur und Geschichte, 1979. Adolf Collenberg  Museum da la natira dal Grischun Museums grischuns  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: