e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Flem Flepp, Leonhard  Flem, Crap da Massiv imposant al nord da F. che stat sco in altar en la cuntrada cultivada. Il Crap da F., numnà era Crap Tgietschen, furma il cunfin geografic tr. la Surselva e la Sutselva. Cronicas relatan da bovas e ruinas (il bain da Cameiler a Fidaz p.ex. para d'esser vegnì sutterrà a sias uras d'ina bova), e la tradiziun orala rapporta d'accidents da praders e da lavurers da guaud en las paraids dal Crap da F. La legenda enconuschenta dal «Gion Paul da Flem stai si» sa referescha prob. al mastral Capol (Pol/Paul) da F. e raquinta essenzialmain da charplinas, omicidis e rapinaments da muvel sin l'alp da F. durant il temp autmedieval. Ina senda tagliada en il grip maina da Bargis sin quest'alp che cumpiglia l'entir plateau dal Crap da F. Questa senda, numnada dapi tuts temps Scala, vegn menz. per l'emprima giada il 1645 en connex cun lavurs da meglierament; anc a la fin dal 18. tsch. vegn ella descritta sco senda extremamain privlusa (mintg'onn crudavan qua animals a mort). Il 1867-68 ha la vischnanca da F. laschà tagliar ina meglra senda en il grip. Ina teleferica, che transporta dapi il 1914 material da Fidaz sin il Crap da F., maina aval ils products d'alp. Il 1939 ha sutterrà ina lavina dal Crap da F. la chasa d'uffants Sunnehüsli a Fidaz (18 morts).<br /><br /></p> Archiv: Ovras: Funtaunas: Litteratura: H. Anliker, Flims, 1961 (1982²), 130-45. Martin Bundi  Flem Flepp, Leonhard  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: