e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Padrinadi svizzer per vischnancas da muntogna
Padrinadi cun sedia a Turitg, fundŕ l'oct. 1940 da Paul ed Olga Cattani, da Turitg, cun il num originar Padrinadi svizzer per vischnancas basegnusas. Il Padrinadi svizzer per vischnancas da muntogna vul promover la solidaritad e gidar las regiuns da muntogna a restar abitablas e cultivablas. Per quel intent sustegna el projects concrets (ca. 400 l'onn), rimna ils daners necessaris ed enfilescha padrinadis tr. vischnancas da la Svizra Bassa finanzialmain fermas e vischnancas da muntogna en basegn. Cun ils daners dal Padrinadi svizzer per vischnancas da muntogna vegn facilitada e garantida la finanziaziun d'indrizs ed ovras d'infrastructura, p.ex. il provediment d'aua, la sanaziun dad alps, vias, plazzas e chanalisaziuns u la construcziun d'edifizis publics. Da grond'impurtanza č l'agid en cas da catastrofas. Dapi il 1940 han obtegně dapli che 500 vischnancas da muntogna contribuziuns da padrinadi, ca. la mesadad da quellas eran vischnancas grischunas. Da las vischnancas dal Grischun san tgirar radund 40 ina relaziun da padrinadi stabila. Dals daners spendids dapi il 1940 ha il Grischun retschavě dapli che 25% (dapi il 1999 4-5 miu. frs l'onn). Organ da publicaziun: «Patenschaft-Post».<br /><br /></p>
Archiv:
Ovras:
Funtaunas:
Litteratura:
H. Heisch, Drovan nossas vischnauncas daners da padrinadi?, en: Ischi, 71/1986, nr 26, 65-74.
Haimo Heisch
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Padrin e madritscha