e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Pasturs Patriotissem  Patnal [Padnal] Toponim per div. collinas cun fastizs da fortezzas u abitadis retics. P. deriva dal term preroman (retic) *<em>pitino-</em>, rum. chastè, fortezza. En il Grischun ed en Vuclina exista ina trentina P. Attestads èn tr.a.: 830 <em>Villa in Castello Impitinis</em> (fortezza sin il crest-baselgia a Casti, oriundamain prob. in refugi dals Rets, alura in chastè dals Romans), 1200 <em>Crestapedinal</em>/Curvalda, 1375 <em>Pedunal</em>/Suagnign, 1410 <em>Castell Pedinal</em>/Termin, 1460 <em>Parnal</em>/Guarda, <em>Padnal</em>/Susch. A Lisibüel al nord da Vaz Sut han ins chattà restanzas d'ina fortezza preistorica (refugi). L'abitadi P. al sid da Suagnign cumpiglia plirs orizonts dal temp da bronz fin viaden il temp da fier. Sin la <em>Motta da Pedenal </em>al sid da Poschiavo han ins scuvert cheramica e restanzas da mirs dal temp preistoric. A Mazzo en Vuclina è doc. il 1238 in <em>castrum Pedenali</em>; qua sa chatta era la <em>Contrata fortificata di Pedenale</em>, ina gronda fortezza medievala.</p> Archiv: Ovras: Funtaunas: BUB. Litteratura: RN 2, 246; Clavadetscher/Meyer, Burgenbuch, 25, 72, 197, 361. Martin Bundi  Pasturs Patriotissem  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: