e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Prevost, Johann Baptista [Zambra] Pro Natura Grischun (PNG)  Pro Grigioni Italiano (Pgi) La Pgi è l'organisaziun per la protecziun e la promoziun da la lingua e da la cultura tal. en il Grischun ed en la Confederaziun. Fundada il 1918 sco organisaziun centrala a Cuira, è ella sa reorganisada il 1943 en ina federaziun da secziuns (2010: 10) subdivididas tr. las regiuns dal Grischun tal. (trais) ed ils centers svizzers pli gronds. Cun la revisiun totala dals statuts il 2007 ha la Pgi obtegnì ils quatter centers regiunals Mesauc e Calanca, Puschlav, Bergiaglia, Cuira, cun sedia centrala a Cuira e secziuns che s'engaschan per il mantegniment dal talian sin tut ils champs da la vita publica e privata. La Pgi è renconuschida dal chantun Grischun, da la Confed. e dal Cussegl d'Europa sco represchentanta legitima da la minoritad autoctona grischun-tal. e defenda ses interess sin tut ils livels dal Stadi ed en il context internaziunal. La Pgi tgira era publicaziuns periodicas («Almanacco del Grigioni Italiano», fundà il 1918; «<elirlink href="aid:3938">Quaderni grigionitaliani</elirlink>», fundads il 1931) ed organisescha inscunters, referats ed autras occurrenzas culturalas.</p> Archiv: Ovras: Funtaunas: Litteratura: AGI, 1918, 103-08; AGI, 1918- (rapp. annuals); QGI, 1931- (rapp. annuals); R. Boldini, Breve storia della pro Grigioni italiano dal 1918 al 1968, 1968. Sacha Zala  Prevost, Johann Baptista [Zambra] Pro Natura Grischun (PNG)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: