e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Pro Natura Grischun (PNG)
Fundada ils 24-4-1965 a Cuira sut il num Lia grischuna per la protecziun da la natira (PNG dapi il 1997). Sias finamiras èn da promover la protecziun da la natira e da la cuntrada, impedir il donnegiament da bains natirals e zavrar territoris sut protecziun da la natira. La PNG gida ad inventarisar las cuntradas d'impurtanza naziunala. Dapi il 1970 inventarisescha ed edescha ella, ens. cun la Soc. per la perscrutaziun da la natira, cuntradas degnas da vegnir mantegnidas e monuments natirals d'impurtanza naz. e regiunala. Dapi il 1975 è la PNG s'engaschada fermamain per la protecziun da las auas (ovras electricas, quantitad d'aua restanta). L'onn 1981 è vegnida fundada en Val Müstair l'emprima gruppa regiunala da la PNG. Il pres. da la PNG, Hans Ulrich Hollenstein, ha pudì prender encunter il Premi Binding 1987/88 per la protecziun da la natira, ed il 1993 è quel vegnì concedì a la Val Müstair. La PNG tgira actualmain 100 territoris ed objects mess sut protecziun da la natira e sa participescha a grondas revitalisaziuns dad auas, a concepts da svilup da cuntradas (plazzas da golf, meglieraziuns, agricultura biologica e.a.) ed a la realisaziun da parcs natirals (Ela, Adula, Ruinaulta e.a.). La PNG cumpiglia actualmain 24 secziuns chant. che furman la basa da la protecziun da la natira privata en Svizra. Il dumber da comm. da la PNG oscillescha tr. 2'200 e 3'000.</p>
Archiv:
Ovras:
Funtaunas:
Litteratura:
30 Jahre Naturschutzbund BNB, 1995.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Pro Grigioni Italiano (Pgi)