e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Rappenstein Raschein, Paul  Raschein, Luzius * 25-9-1831 a Malix, † 9-11-1899 a Cuira, ref., da Malix. Figl da Georg, landamma, pur e commerziant, e dad Anna n. Lorenz, da Filisur. &#8734; Ursula n. Wilhelm, figlia da Paulus, pur e mastral, da Peist. Scola chant. a Cuira, studi da giurisprudenza a Tubinga, Minca e Paris. R. è stà l'emprim pur ed advocat, alura ha el transferì sias activitads pli e pli sin la politica e la giurisdicziun (derschader). Comm. dal Cussegl grond (per il cirquit da Curvalda) 1858-62 e 1872-75, comm. da la Regenza 1876-77 e 1880. Pres. da la dretgira cirq. e distr. da la Plessur, derschader chant. 1879-99 (pres. a partir dal 1881). Cuss. naz. da l'ala lib.-moderada 1882-90, comm. dal Cussegl dals chantuns 1892-99 (pres. 1897-98). R. è stà in dals exponents dal liberalissem grischun pli vegl. Sia tscherna en il Cussegl dals chantuns (cunter il cons. Placidus Plattner) ha provocà ina divisiun dal champ cons. ed ha marcà la fin da la predominanza da quel ed inizià la nova prosperitad dal liberalissem grischun suenter in decenni d'insuccess politic. Brigadier.   </p> Archiv: Ovras: Funtaunas: Litteratura: Gruner, Bundesversammlung 1, 625; Metz, Graubünden 2, 332-38 e.a. (fotogr., 453). Jürg Simonett  Rappenstein Raschein, Paul  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: