e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Rheticus Riccio, Giovanni Angelo  Ribi, Ulrich V Attestà dapi il 1325, † 25-3-1355 a Sargans, &#9633; a Cuira, da Seengen/AG, numnà era von Lenzburg. Eremit augustin. Priur e lectur da teologia a Magonza 1325. Confessur da l'archuv. Mathias da Magonza fin il 1328, alura penitenziar papal. En il cumbat per il tron dal Sontg Imperi roman ha el cumbattì da la vart dals adversaris da Ludwig il Bavarais. Il 1338 è R. vegnì delegà da la Sinoda a Speyer, premurada d'intermediar tr. il papa e l'imperatur, tar il papa Benedict XII ad Avignon. Sco uvestg da Cuira 1331-55 è el s'allià cun ils da Luxemburg e Habsburg en il cumbat per il Tirol. Aderent da Carl IV, è el vegnì arrestà il 1347 dal marches Ludwig von Brandenburg che ha occupà possess dal chapitel catedral da Cuira en il Tirol ed impurtants chastels. R. è vegnì relaschà sin cauziun per in temp limità ed ha instituì il cont Ulrich von Montfort sco vicari gen. e curatur. Engaschà repetidamain a la curt imperiala a Prag, è R. vegnì recumpensà e privilegià da Carl IV per ses agid il 1348, il 1349 ed il 1354. Il 1352 e 1354 ha el sustegnì ils Habsburgs davant Turitg cunter ils Confederads. </p> Archiv: Ovras: Funtaunas: Litteratura: HS I/1, 483 s.; L. Deplazes, Reichsdienste und Kaiserprivilegien der Churer Bischöfe von Ludwig dem Bayern bis Sigmund, 1973; Gatz, Bischöfe 1198, 140 s. Veronika Feller-Vest  Rheticus Riccio, Giovanni Angelo  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: