e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Risch, Carl Hugo Risch, Matthäus  Risch, Martin * 15-5-1880 a Cuira, † 19-11-1961 a Zumikon/ZH, da Cuira e Fläsch. Figl da Peter Heinrich Albert, urer, e da Katharina n. Christoffel. &#8734; 1) 1909 Eugenie n. Eicher, 2) 1943 Anna Karolina n. Hertz. Gimnasi a Cuira, studi d'architectura e da pictura a la Scol'auta tecnica ed a l'Academia dals arts figurativs a Minca 1898-1902. Collavuratur tar Pfleghard &amp; Haefeli a Turitg 1904-06. Il 1907 ha R. fundà cun Otto Schäfer il biro d'architectura Schäfer &amp; Risch a Cuira. Domicil a Turitg 1923-24 e collavuraziun cun August Arter. Div. onns suprastant da la Lia grischuna per la protecziun da la patria, confundatur da la Federaziun dals architects svizzers, comm. da la cumissiun fed. per la tgira da monuments (1918-21, 1923-27) e da la cumissiun fed. d'art (1930-35). <br />R. e Schäfer èn stads, ens. cun Nicolaus Hartmann il giuven, ils architects ils pli impurtants dal Heimatstil grischun. A las ovras las pli marcantas da quel temp, realisadas dal biro Schäfer &amp; Risch, appartegnan la baselgia cat. a Landquart (1907-08), la Banca Chantunala Grischuna (1910-11) e la Chasa da scola Quader a Cuira (1913-14), il Sanatori Altein ad Arosa (1914-16) e l'Institut Otalpin per mattas a Ftan (1914-16). En ses temp a Turitg è R. daventà enconuschent tras renovaziuns (chasa-cumin a Berna 1940-42). Ulteriurs edifizis projectads da R. èn las baselgias ref. a Landquart (1925) ed a Buchs/SG (1931-32) sco era la baselgia da S. Paul a Turitg (1932-34, ens. cun Arter). Il 1958-59 ha R. realisà ens. cun Walther Sulser sias duas ovras tardivas: la transfurmaziun da l'arsenal da Cuira en in edifizi cun il teater da citad e la chasa dal Cussegl grond e la nova chasa annexa da l'administraziun chantunala.</p> Archiv: Ovras: Funtaunas: Litteratura: Bedeutende Bündner 2, 550-59; ALS, 477 s.; L. Dosch, Kunst und Landschaft in Graubünden, 2001, 174-78. Leza Dosch  Risch, Carl Hugo Risch, Matthäus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: