e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Ruinelli Ruinelli, Jacob  Ruinelli, Jacob Attestà per l'emprima giada il 1617, † 16-3-1627 a Cuira, ref., oriund da la lingia dals R. da Baldenstein. Il 1617 è el stà activ sco interpret venezian. Il 1620 è el sa participà, sco chapit., a la reconquista (invana) da la Vuclina, il 1621 al murdraretsch da Pompejus von Planta. Ens. cun Gieri Genatsch è el stà il medem onn en servetsch dal cont von Mansfeld. Il 1624 ha R. prendì part sco chapit. dal regiment franz. von Salis a la campagna militara en Vuclina, cumandada da François Annibal d'Estrées. Possessur d'in regiment en servetsch franz. il 1625 (cun Gieri Genatsch sco substitut). El è vegnì blessà a mort tras in culp da spada da ses stretg ami da giuventetgna Genatsch, suenter avair provocà quel en gritta andetga ad in duel en in'ustaria.</p> Archiv: Ovras: Funtaunas: Litteratura: C. von Moor, Geschichte von Currätien und der Republik gemeiner drei Bünde 2, 1874; A. Pfister, Jörg Jenatsch, 1938 (1991<sup>5</sup>); P. Fravi, Schloss Baldenstein, 1974. Silvio Färber  Ruinelli Ruinelli, Jacob  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: