e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Runtgaglia Ruppanner, Ernst  Rupflin, Emil * 17-3-1885 a Lindau/ZH, † 5-11-1966 a Cuira, ref., da Lindau e, dapi il 1936, da Cuira e Tartar. Figl dad August, maister salaschader, e dad Agathe n. Natterer. &#8734; Barbara n. Bernhard, da Pfungen/ZH. Scolas a Lindau, servitur a Turitg 1902, ufffizier da l'Armada dal salit a Berna 1905. Sco tal activ a Turitg ed en la Svizra Orientala, il davos a Cuira (1916). Commuventà dad uffants en miseria, ha R. bandunà sia posiziun segira ed ha constituì cun sia dunna ina fundaziun per uffants senza patria. L'avust 1916 han els avert ina chasa d'uffants en l'anteriura cularia da zains Theus a Favugn. Ulteriuras chasas per uffants èn vegnidas fundadas a Scharons, Termin, Zezras e Herisau. L'ovra d'agid ha survivì, perquai ch'ils collavuraturs na retiravan nagin salari, ma sulettamain daners da giaglioffa. R. ha attribuì ses success - tut en tut èn vegnids recepids passa 5'000 uffants - a l'agid da Dieu. Per quella raschun è sia ovra vegnida numnada pli tard "Gotthilft-Werk". La sedia da la fundaziun resp. da l'administraziun centrala da quella sa chatta oz a Zezras. A quella chasa è vegnida agiuntada il 1965 ina scola professiunala per educaturs da chasas d'uffants (oz Scola superiura per lavur sociala).   </p> Archiv: Ovras: Funtaunas: Litteratura: BJb, 1968, 158 s. Martin Bundi  Runtgaglia Ruppanner, Ernst  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: