e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Ruppanner, Ernst Ruschein  Rusca, Nicolò * 20-4-1563 a Bedano/TI, † 4-9-1618 a Tusaun, cat., da Bedano. Figl da Giovanni Antonio, notar, e da Daria n. Quadrio. Studi da teologia al Collegium Helveticum a Milaun, ordinà il 1587 e, suenter studis a Pavia, dr.teol. 1591. Archiprer da Sunder 1590, sco tal incumbensà da l'uvestg da Com Feliciano Ninguarda d'exequir la Refurma tridentina e da cumbatter la Scola naziunala ref., planisada a Sunder. Il 1608/09 è el vegnì arrestà e suttamess ad in process da plirs mais, dal qual el è sa salvà tras fugia. Il 1618 ha la partida veneziana ref. (Gieri Genatsch, Steffan Gabriel, Caspar Alexius e.a.) tegnì a Tusaun ina dretgira nauscha cunter R. ed ils partisans da la Spagna (Johann Baptista Prevost, Rudolf e Pompejus von Planta, l'uv. Johann Flugi e.a.) e condemnà R. per intoleranza confessiunala (Scola naz.) e tradiment da la patria. R. è mort en consequenza da la tortura ed è vegnì sepulì sut la furtga, ses possess è vegnì sequestrà. Il 1619 ha l'avat da Faveras, Michael Saxer, procurà ch'el obtegnia in funeral tenor las normas ecclesiasticas. Ina tavla fixada en la cripta da la baselgia claustrala da Faveras regorda a quest'acziun. A Roma ha lieu actualmain in process da beatificaziun.</p> Archiv: Ovras: Funtaunas: Litteratura: A. Fischer, Reformatio und Restitutio: das Bistum Chur im Zeitalter der tridentinischen Glaubenserneuerung, 2000; Beatificationis seu Declarationis Martyrii servi Dei Nicolai R. [...], 2002 (cun funtaunas, bibliogr., iconografia ed actas dal process); Terre del Ticino, edì da L. Vaccaro e.a., 2003, 415-17. Max Hilfiker  Ruppanner, Ernst Ruschein  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: