e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Saratz [Sarraz] Sarazens  Saratz [Sarraz], Gian * 28-6-1821 a Puntraschigna, † 25-8-1900 a Puntraschigna, ref., da Puntraschigna. Figl da Gian Pitschen, proprietari d'ina cafetaria ad Alençon (Normandia), e dad Anna n. S. &#8734; 1845 Anna n. Jenny, figlia da Johann, proprietari da pastizarias a Varsovia e Wilna. Institut a Porta a Ftan, gimnasi a Cuira 1834-37, dus onns Institut Hüni a Horgen e studi da scienzas natiralas a Stuttgart e Paris. Directur da la fatschenta dals geniturs fin il 1851, alura return a Puntraschigna. Derschader cirq. e distr., deputà en il Cussegl grond 1855-57 e landamma dal cirq. Engiadin'Ota 1862-63. Sco scienzià da la natira ha el contribuì div. infurmaziuns per il «Tierleben der Alpenwelt» da Friedrich von Tschudi ed ha publitgà in register da tut ils utschels che vivan en Engiadina. Da giuven ha el accumpagnà il chatschader Gian Marchet Colani. Il 1873 han S. e ses figl cun il medem num construì l'Hotel Saratz a Puntraschigna.</p> Archiv: Ovras: Les oiseaux de la Haute-Engadine, en: Bulletin de la Société Ornithologique Suisse, 1879, nr 2, 125-46. Funtaunas: Litteratura: Rauch, Homens prominents, 1951, 220-24; A. Caprez, S., 2004. Dolf Kaiser  Saratz [Sarraz] Sarazens  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: