e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Savorgnano, Hieronimo Sax, Caspar de (Mesauc)  Sax, Albert [Albrecht] de (Mesauc) Attestà per l'emprima giada il 1395, † 1406. Figl da <elirlink href="aid:2393">Caspar</elirlink>. Frar da <elirlink href="aid:2391">Johann</elirlink>. S. è sa participà cun ses signuradis da la Lumnezia, da la Foppa e da Flem al sistem d'allianza ch'è sa constituì enturn il 1400 en las vals dal Rain. Ils 14-2-1395 ha el conclus in'allianza cun l'avat e la vischnanca da Mustér sco era cun ils signurs de Razén e lur glieud. Gia il favr. 1395 èn s'alliads cun els ils conts de Werdenberg-Sargans, il 1399 ils conts de Werdenberg-Heiligenberg ed il 1400 il Glaruna. S. è il sulet partenari preschent en tut ils contracts d'allianza. A partir dal 1400 signescha el ens. cun ses frars Johann e Donat. Il 1403, suenter la mort dal duca Gian Galeazzo Visconti da Milaun, han ils S. conquistà la fortezza da Blinzuna. A partir dal 1406 han els stuì tegnair avert quella per ils Confederads ch'avevan entant occupà la Leventina. S. è vegnì assassinà en la Torre Fiorenzana sper Grono, residenza d'ina lingia laterala dals S. (aderents da Milaun?).</p> Archiv: Ovras: Funtaunas: Litteratura: E. Tagliabue, Il castello di Mesocco secondo un inventario dell'anno 1503, en: BSSI, 11/1889, 10-12; I. Müller, Die Entstehung des Grauen Bundes, 1367-1424, en: ZSG, 21/1941, 137-99. Florian Hitz  Savorgnano, Hieronimo Sax, Caspar de (Mesauc)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: