e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Gianatsch Gianin  Gianiel, Giatgen [frà Giacomo di San Luigi] * 3-3-1714 (Jacobus) a Tinizong, † 14-8-1750 a Cellere (Lazio), cat., da Tinizong. Figl da Johann Zaniel, mastral, e dad Anna Maria n. Durband, da Tinizong. La schlatta è attestada per l'emprima giada il 1394 a Tinizong en las furmas <em>Schaniel </em>(scripziun utilisada dals paders chaputschins tal.) e <em>Gianiel </em>(scripziun italianisada, daventada uffiziala, daspera <em>Giacum Zaniel</em>). Il 1730 è G. emigrà en Italia sco famegl dal cont Bartolomeo Corsini, nev dal papa Clemens XII. Il 1742 è el entrà sco frà Giacomo di San Luigi en l'Urden dals passiunists (S. Paul da la Crusch). Dal 1742 fin il mars 1748 ha el vivì en la Presentatione, in refugi dals passiunists ad Argentario (Toscana) ed alura, fin a sia mort (da la malaria), a Madonna del Cerro sper Tuscania (Lazio). Il 1889 è vegnì inizià il process da beatificaziun, ed ils 21-12-1989 è G. vegnì declerà, suenter il <em>nihil obstat</em> dal 1940, sco venerabile frà Giacomo di San Luigi per sia cretta e sia umilitanza exemplarica. La beatificaziun da G. è anc pendenta a Roma.</p> Archiv: Ovras: Funtaunas: Litteratura: B.N. Bordo, Giatgen G., 1988. Adolf Collenberg  Gianatsch Gianin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: