e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schwendener, Heinrich Schwygly, Hans  Schweri, Ernst * 14-8-1925 a Cuira, † 10-1-2000 a Cuira, cat., da Mellstorf/AG. Figl da Johann Ernst, musicist, e dad Ursula Magdalena n. Graf, da Rebstein/SG. ∞ 1957 Heidi n. Kindhauser, dad Andelfingen/ZH. Gimnasi e Seminari superiur a Cuira, patentà scolast 1946. Magister a Zezras e Vaz, alura studis da musica a l'Univ. da Turitg. Diplom per chant da scola e cello. Scolaziun da dirigent a Salzburg (tar Igor Markevitch). Magister a la scola cirq. a Wohlen/AG 1955-57, alura a la Scola chant. e dapi il 1962 al Seminari scolastic a Cuira, nua ch'el ha fundà il 1970 il chor facultativ. Dasperas dirigent dal Chor viril da Cuira (1955-70) e dal Chor Ligia Grischa a Glion (1970-90). S. preferiva la musica da l'epoca classica e romantica. Per represchentar grondas ovras choralas ha el fundà il 1970 il Bündner Singkreis. S. ha marcà la vita dals chors da ses temp en il Grischun, era sco giuror a festas da chant. Comm. d'onur da l'Uniun chant. da chant dal Grischun.  Archiv: Ovras: Funtaunas: Litteratura: BJb, 2001, 159-61. Adolf Collenberg  Schwendener, Heinrich Schwygly, Hans  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: