e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Segantini, Gottardo Segl  Seger, Martin * ca. 1470, † suenter il 1534, da Tumein e Maiavilla. &#8734; Magdalena n. Nagel, da Maiavilla. Activ en servetsch militar franz. (1496), chapit. dals Grischuns a Maiavilla 1499. Cuss. e custodi da la baselgia parochiala da S. Amandus a Maiavilla 1506. Manader da mercenaris en l'Italia dal Nord 1512 e 1520. Cunsigillader dal contract da mercenadi da las Trais Lias cun la Frantscha 1509. Curatur da la citad da Maiavilla 1510-11 e 1528-29. Retschavider da pensiuns austriacas. S. è sa declarà gia baud aderent da la Refurmaziun ed ha cumbattì, cun il sustegn da Huldrych Zwingli, sco in dals emprims laics per la nova cretta. Gia il 1521 ha el publitgà, sco admiratur da Martin Luther, il fegl sgulant stampà cun il titel «Die göttliche Mühle», in mulin che producescha, tenor S., la deliziusa farina da la vardad divina cuntegnida en l'Evangeli.</p> Archiv: Ovras: Funtaunas: Litteratura: W. Köhler, Martin S. aus Maienfeld, en: Zwingliana, 2/1910, 355, 363-66; 3/1919, 467-69; 3/1920, 494-500; Camenisch, Reformationsgeschichte, 199 s. Martin Bundi  Segantini, Gottardo Segl  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: