e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Separaziuns da vischnancas Serneus  Sererhard, Nicolin * 25-1-1689 (Nikolaus) a Cuvlignas, † ca. 1755 a Sievgia, ref., da Zernez. Figl da Rudolf, plevon, e da Maria n. Planta von Wildenberg. &#8734; Anna n. Hatz, figlia da Peter, pur, da Cunter (Partenz). Scola elementara a Ramosch e tar in reverenda a Brüsch 1706 e studi da teologia al Carolinum a Turitg 1707. Sco candidat a Tusaun, alura recepì en la Sinoda retica a Glion 1709. Plevon a Malix (1710) e Sievgia (1716-54). Sut l'influenza da Johann Jakob Scheuchzer ed intimà tras la collavuraziun al «Allgemeines Helvetisches, Eydgenössisches oder Schweitzerisches Lexicon» da Johann Jacob Leu, ha S. redigì il 1742 la «Einfalte Delineation aller Gemeinden gemeiner dreyen Bünden» (1872, reedì il 1994); versiun rum. parziala «Simpla delineaziun, o, Cronica dals cumüns da las Trais Lias» translatà da Jachen Curdin Toutsch, 2005. Quest'ovra è ina funtauna impurtanta per l'etnografia, e S. sa mussa era sco bun raquintader. La part istorica percunter è pauc originala e sa basa o.t. sin ils cronists Fortunat Sprecher von Bernegg e Johannes Guler von Wyneck.<br /><br /></p> Archiv: Ovras: Einfalte Delineation aller Gemeinden gemeiner dreyen Bünden [...], 1742 (stamp. 1872, reelav. dad O. Vasella, 1994). Funtaunas: Litteratura: Bedeutende Bündner 1, 252-59. Karin Marti-Weissenbach  Separaziuns da vischnancas Serneus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: