e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  SGN Sialm, Gion Battesta  Sialm, Duri * 3-7-1891 (Udalricus Basilius) a Segnas (vischn. da Mustér), † 18-12-1961 a Cuira, cat., da Mustér. Figl da Giusep Maria, pur ed organist, e da Maria Urschla n. Travers, da Pasqual. Frar da <elirlink href="aid:2471">Gion Battesta</elirlink>. &#8734; Maria n. Schmid de Grüneck, da Surrein (Sumvitg). Seminari scolastic a Cuira (patentà il 1911), studis da musica a Genevra (tr.a. tar Otto Barblan), diplom da clavazin ed orgla 1913, diplom da concert 1917. Scolast al collegi a Sviz 1917-20, dirigent a Turitg 1920-25, alura scolast a Lichtensteig/SG, a partir dal 1927 puspè a Sviz e dal 1937-57 a la Scola chant. a Cuira. Dirigent da plirs chors (tr.a. Alpina e Rezia), organist a la catedrala da Cuira, arbiter a festas da chant e recensent da musica. Cumponist dal gieu festiv «La Ligia Grischa» (text: Flurin Camathias; 1924), da numerusas chanzuns fitg enconuschentas en stil romantic tardiv (tr.a. «Allas steilas», «Canzun dallas spatlunzas», «La lavina»), da cumposiziuns per instruments, pliras messas e 25 preludis (collecz. «Iris cantatrix», 1962). In capodovra: «Benedetg Fontana» per chor, solists ed instrumentalists (1939). Il 1941 ha edì S., ens. cun Carli Fry, la versiun amplifitgada da «La Consolaziun dell'olma devoziusa» (ca. 500 chanzuns, per l'emprima giada tuttas cun melodia). S. è in dals cumponists rum. ils pli productivs e reproducids. Onurà cun il Curtin d'onur da la LG a Trun. </p> Archiv: Ovras: La Ligia Grischa [disc], 1950; Ovras da Duri S. [disc], [1970|; BMVR; Ovras da Duri S. [DC], 1991. Funtaunas: Litteratura: Bedeutende Bündner 2, 404-08. Thomas Gartmann  SGN Sialm, Gion Battesta  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: