e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Siat Sievgia  Siegrist, Gottlieb [Götti] * 1-12-1900 a Basilea, † 6-3-2005 a Cuira, ref., da Rünenberg/BL. Figl da Gottlieb, administratur, e da Marie n. Wüthrich, da Trub/BE. &#8734; Eva n. Mauri, scolasta. Scolas a Cuira, alura aurer a Cuira fin il 1938. Scolaziun al pilot 1928 e brevet da pilot militar (sco segund Grischun insumma). Pilot da sport, confundatur da la secziun Cuira da l'Aero-Club da la Svizra (1933) e da la gruppa da planegiaders da Cuira ed Arosa. Ils 4-2-1934 èsi reussì a S. d'absolver l'emprim sgol cun in aviun senza motor en il Grischun (Churer Joch-Rossboden). Pilot instructur civil e militar e piunier d'ina seria da sgols cun differents urdains da sgular. Comm. dal Cussegl grond 1935-39 per la PPD, sco tal emprim moziunari per in tunnel tras il S. Bernardin 1939. Per incumbensa da la Regenza grischuna ha S. organisà la protecziun civila chant. (a partir dal 1937) e l'instrucziun militara preparatorica (a partir dal 1942). Sco maior ha el manà il 1953-54 la missiun svizra en la Corea (incumbensa da l'ONU) per la repatriaziun da praschuniers da guerra chinais. Col., cdt dal cirquit militar da Cuira 1961-65. Il 1990 ha el participà cun 90 onns per la davosa giada al Maraton da skis engiadinais.</p> Archiv: Ovras: Funtaunas: Litteratura: SO, 25-11-2000; 9-3-2005; BJb, 2006, 155-57. Adolf Collenberg  Siat Sievgia  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: