e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Alexander, Emil Aliesch, Lorenz Florian  Alexius, Caspar * 1581 a La Punt-Chamues-ch, † 1626, descendent da la fam. Alesch, ina veglia fam. da mandataris e notars. Figl da Peider, notar. &#8734; NN n. Jean, da Genevra. Studis a Turitg e Basilea, magister artium, dr.fil. 1603. A partir dal 1606 studis a Paris ed a l'Academia da Genevra, prof. da teologia a Genevra 1610-17. Il 1617 è el vegnì numnà rectur a la nova scola statala, fundada da las Trais Lias a Sunder, in uffizi ch'el ha occupà mo dal 1619-20, perquai che la scola era vegnida serrada en consequenza dals Scumbigls grischuns e dal Murdraretsch en Vuclina. Il favr. 1618 ha A. presidià la sinoda animada da Bravuogn. Il 1621 è el fugì ens. cun Gieri Genatsch e Blasius Alexander sur il Veptga, nua ch'el è vegnì arrestà da ses adversaris politics, surdà als Austriacs e mess en praschun a Puntina. Liberaziun da la praschunia austr. 1622. Alura puspè prof. da teologia a Genevra, nua ch'el ha publitgà il 1625 sia «Dissertatio physica de Mixtura«.</p> Archiv: Ovras: Funtaunas: Litteratura: Rauch, Homens prominents, 1951, 120-33; Bonorand, Reformatorische Emigration, 233-42. Martin Bundi  Alexander, Emil Aliesch, Lorenz Florian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: