e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Fanas
Vischnanca polit., cirq. Sievgia, distr. Partenz/Tavau (avant il 2001 Landquart Sut), construida lung la via sin ina terrassa cun access da Crusch e d'Aschera. Segunda mesadad dal 12. tsch. <em>Phanaunes</em>. 1850 373 abit.; 1900 282; 1920 250; 1950 303; 1970 226; 2000 377. En il temp autmedieval e medieval tardiv pratitgavan ils da F. l'agricultura e l'allevament da muvel sin bains dal chapitel catedral da Cuira e dals signurs d'Aspermont. F. ha appartegnì al domini da Solavers, pli tard a la dretgira d'Aschera (sortida da quest domini), suenter la partiziun da quella a la mesa dretgira d'Aschera (1679-1729) e, fin il 1851, a quella da Sievgia. La baselgia a l' ost dal vitg, menz. il 1447 sco filiala da S. Maria da Solavers, ha obtegnì in agen plevon il 1487. Refurmaziun 1560-70. Construcziun da la baselgia actuala 1754-55. La germanisaziun è stada terminada enturn il 1550. A F. predominava l'allevament da muvel (manaschis sin differentas autezzas cun numerus uigls e trais alps), fin viaden ils onns 1950 era la cultivaziun dad ers. Construcziun da las vias d'access modernas 1969-76. Il 2000 eran 60% pendularis dal lieu. Il 2005 lavuravan 39% da las persunas cun activitad da gudogn a F. en il sectur primar, 32% en il sectur terziar (turissem da viandar, pitschna sutgera utilisada o.t. da parasguladers). Fusiun cun Valzeina a la vischnanca da Crusch 2011.<br /> </p>
Archiv:
Ovras:
Funtaunas:
Litteratura:
Kdm GR 2, 61-63; Gem. GR, nr 44, 1981.
Otto Clavuot
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Famos, Luisa