e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Reinhard [Reinhardt], Jakob Remedius  Reitnau, von Schlatta da la noblezza bassa, attestada dal 14. fin il 17. tsch., oriunda dad Unterreitnau, al nord da Lindau (Baviera), nua che sa concentrava era ses possess. La fam. da ministerials era colliada cun la baselgia da S. Leonhard sper Ragaz e cun la claustra da Cazas. Il 1325 è la fam. attestada per l'emprima giada. A partir dal 14. tsch. ha ella vendì sut squitsch economic a Hans Hübschli (burgais da Ravensburg) parts pli e pli grondas da quel, il 1376 era ses chastè ad Unterreitnau cun appartegnientschas, prob. anteriurs feuds da l'avat da S. Gagl. Members da la fam. èn alura sa chasads en las citads da Ravensburg e Lindau. Auters represchentants han fatg cun success carrieras spiritualas, p.ex. Dietrich ch'era il 1405 comm. dal convent da la claustra benedictina da Kempten en l'Allgäu, sco era Werner e Friedrich, avats da la claustra da Faveras. En la claustra da Cazas ha mess la fam. quatter abadessas fin il 1550: Hildegard (doc. 1426), Margaretha (1486-1508), Clara (1508-25) e Scholastica (elegida 1525). Cun servetschs militars per l'Austria e l'Imperi ha cuntanschì la fam. pussanza e prestige en il 16. e 17. tschientaner.</p> Archiv: Ovras: Funtaunas: Litteratura: Montfort, 41/1989, o.t. 42-56 (nr spez.). Martin Leonhard  Reinhard [Reinhardt], Jakob Remedius  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: