e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schorsch, Johann Paul [von] Schorta, Andrea  Schorsch, [von] Schlatta da Spleia cun il num d'origin tal. Giorgio, prob. immigrada da la Valchiavenna en il Valragn, nua ch'ella è represchentada gia enturn il 1325 cun Georg en l'uffizi da mastral. A partir dal 16. tsch. han ils S. occupà impurtants uffizis da la LG resp. da las Trais Lias (p.ex. mastrals, mess) e durant 18 biennis ils pli auts posts en l'administraziun da las Terras subditas grischunas - dus guvernaturs (<elirlink href="aid:2444">Hans</elirlink>), dus vicaris (<elirlink href="aid:2445">Johann Paul</elirlink>), quatter cumissaris (<elirlink href="aid:2443">Georg</elirlink>) e nov podestats - ed a Maiavilla (dus landfocts). Confurm als interess da la politica commerziala dal cirquit dal Valragn han ils S. prendì posiziun per la partida spagn. (austr.), els èn dentant restads punctualmain accessibels era per giavischs franzos. Blers d'els han fatg carriera en servetschs esters, en l'emprima part dal 17. tsch. sco chapit. da la guardia svizra en Frantscha, vers la fin dal 17. tsch. per la Spagna ed a partir da l'entsch. dal 18. tsch. per l'Ollanda. Suenter il 1600 è la schlatta sa diramada en pliras lingias. Members da la fam. èn sa cumprads en a Stussavgia ed a Curia. Enturn il 1832 è la schlatta s'extinguida. </p> Archiv: Ovras: Funtaunas: Litteratura: G. Eisenring, Die "von S." von Splügen, en: BM, 1942, 285 s.; Grimm, Aristokratie. Florian Hitz  Schorsch, Johann Paul [von] Schorta, Andrea  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: