e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  SIG Sigisbert  Sigberg, von Schlatta dal Vorarlberg, appartegnenta a la noblezza bassa, numnada suenter il chastè da S. situà damanaivel da Frastanz en il district da Feldkirch. Ils S. stevan sco ministerials en servetsch dals Montforts, Werdenbergs e da l'uvestg da Cuira. Adelheid († 1271) era prinzi-abadessa da la claustra da Schänis, Wernher canoni a Cuira (ca. 1300), Ursula  prinzi-abadessa dal convent da Lindau (1432-76). En il 14. tsch. possedeva la fam. divers chastels en la Val dal Rain da Cuira, tr.a. il chastè dad Ober-Ruchenberg sper Termin, quel da Neu-Aspermont a Gianin ed, en pegn, quel da Marschlins damanaivel dad Eigias (1442). Il 1435 eran Werner e Heinrich en faida cun il cont Friedrich VII von Toggenburg ch'ha destruì il chastè da S. e conquistà era quel da Neu-Aspermont. Tras ina dretgira da cumpromiss da la citad da Turitg èn ils S. dentant vegnids indemnisads. Enturn il 1450 è la fam. s'extinguida en la lingia masculina, il chastè da Neu-Aspermont è passà als Schlandersbergs.</p> Archiv: Ovras: Funtaunas: Litteratura: Clavadetscher/Meyer, Burgenbuch, 305, 311s., 322, 327. Paul Eugen Grimm  SIG Sigisbert  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: