e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Toggenburg, de
Famiglia nobla da Ruschein. Il progenitur presumtiv da quella è stà Christian Ulrich (* 1580). A partir da ca. l'onn 1700 è in rom da la fam. sa domicilià a Lags. Ils de T. han constituì ina dinastia da politichers, derschaders, podestats ed uffiziers cun possess funsil e cun entradas d'uffizis, da pensiuns e d'iertas che furmavan la basa economica. A partir dal 16. tsch. aveva la fam. ina gronda paisa politica en la LG, ed ella ha giugà ina rolla impurtanta en il chantun Grischun, fin la fin dal 19. tsch. da vart cat.-cons., uschia cun <elirlink href="aid:3066">Paul Anton</elirlink> e <elirlink href="aid:3065">Johann Rudolf</elirlink>. Ils T. eran parentads tras maridaglia cun las fam. dirigentas cat. dal Grischun. Landrehter <elirlink href="aid:3064">Johann Georg</elirlink> è vegnì nobilità il 1832 a Comte de T.-Sargans. Questa lingia comitala viveva en l'Austria ed en il Tirol dal Sid ed ha mess differents ministers imperials e statalters en il Tirol ed en il Vorarlberg.</p>
Archiv:
Ovras:
Funtaunas:
Litteratura:
Gothaer Gräfliches Taschenbuch, 1893, 1073; 1912, 975 s.; G. Casura, Genealogie der T., ms., 1920/25 (ASGR); Maissen, Landrichter, 130-32.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Tirol