e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Alexius, Caspar Alig, Balzer [Balthasar, Balzar]  Aliesch, Lorenz Florian * 25-8-1745 ad Aschera, † 10-2-1794 a Curvalda, ref., d' Aschera. Figl da Peter e da Luisa n. Marugg. Stud.teol. a Basilea (in semester), recepì en la Sinoda retica il 1764. Plevon a Tschiertscha-Prada fin il 1767, ad Eigias fin il 1791, alura a Curvalda. A l'occasiun dal colloqui dal 1788 a Cuira e da las sinodas sequentas è A. s'engaschà per ina meglra paja per ils preditgants ed ha crititgà ils dretgs da collatura da las vischnancas. Sias «Gedanken über das gegenwärtige Schicksal der Pfarrer in Graubünden [...]» han chattà gronda attenziun, las vischnancas ref. han dentant refusà energicamain il referendum da la Sinoda dal 1789 per in'augment da la paja. Las tensiuns èn alura creschidas fin a la chauma dals preditgants (decisiun d'Ardez dal 1790). Collavuratur da «Der Sammler». <br /><br /></p> Archiv: Ovras: Gedanken [...], 1789; Abschiedspredigt [...], 1790; Aufrichtiges Geständnis [...], 1791. Funtaunas: Litteratura: J.R. Truog, Der Bündner Prädikantenstreik von 1790, en: BM, 1936, 535-80. Adolf Collenberg  Alexius, Caspar Alig, Balzer [Balthasar, Balzar]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: