e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Trin Mulin Trivulzio, Gian Giacomo  Trivulzio Famiglia da Milaun, attestada a partir dal 12. tsch. e renconuschida il 1277 tr. las fam. noblas. Da l'illustra fam., da la quala èn doc. divers roms, provegnivan en il temp medieval tardiv intgins <em>condottieri </em>(cumandants da mercenaris). <elirlink href="aid:3089">Gian Giacomo</elirlink>, ch'ha acquistà il 1480 il domini sur la Val Mesauc ed il 1493 quel sur il Valragn e la Stussavgia, ha fundà il rom dals T., conts dal Mesauc. Gian Francesco (1509-1573), ses biadi, ha ertà dad el, suenter sia mort il 1518, il Mesauc. Il 1549 ha el stuì vender tut ils dretgs signurils als abitants da la val. Il 1615 ha ina dretgira privà ils T. era dals ulteriurs possess grischuns. La lita ha dentant durà (causa recurs) enfin il 1678; alura è il rom s'extinguì cun ils descendents dal prinzi Gian Giacomo Teodoro (1596-1656). Liads tras parentella cun il rom mesolcinais dals T. eran medemamain ils uvestgs da Com, tuts derivants da la lingia milanaisa, Giovanni Antonio, cusrin dal Gian Giacomo menziunà sura, Antonio († ca. 1522), nev dal medem Gian Giacomo, ses frar Scaramuzza, al qual è suandà Antonio sco uvestg da Com per il bienni 1518-19, e Cesare, figl dad in frar dad Antonio e da Scaramuzza. En il 19. tsch. ha Cristina T. da Belgioioso gì contacts intensivs cun la Svizra, spezialmain a Genevra e cun ils exiliads dal Risorgimento en il Tessin.</p> Archiv: Ovras: Funtaunas: Litteratura: S. Tagliabue, La signoria dei T. in Valle Mesolcina, Rheinwald e Safiental, 1927 (restampa 1996); HS, I/6. Annamaria Valenti  Trin Mulin Trivulzio, Gian Giacomo  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: