e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Wietzel, Gubert Wietzel [Wiezel], Lurainz  Wietzel [Wiezel] Il num da fam. W. (scrit tr.a. era Wetzel) cumpara en il Grischun sporadicamain dal 12. fin viaden il 14. tsch. ed è doc. a partir dal 15. tsch. en moda pli frequenta en pliras valladas. Ils W. da Zuoz e lur descendents domiciliads a Curvalda èn sa distinguids il pli fitg en l'istorgia dal pajais. A Scuol cumpara il 1394, cun Johannis, a Zuoz il 1543, cun Jöri, per l'emprima giada in W. Amplificaziuns da vopnas imperialas (1587 e 1641) han promovì l'ascensiun sociala e politica da la famiglia. Lurainz è daventà il 1587, sco emprim da sia fam., landamma da l'Engiadin'Ota. En il 17. tsch. han occupà set ulteriurs W. quest uffizi. In da quels è stà <elirlink href="aid:3197">Giörin</elirlink>, ina da las emprimas persunalitads en il temp dals Scumbigls grischuns en l'Engiadin'Ota. Ses figls èn stads <elirlink href="aid:3196">Fadrich</elirlink>, autur da tragicomedias, e <elirlink href="aid:3199">Lurainz</elirlink>, giurist e translatur da litteratura religiusa en ladin. Sco progenitur da la lingia da Curvalda vala Johann Friedrich (1704-76) ch'è stà podestat a Tegl (1731-33), bundslandamma (1737-38) e vicari a Sunder (1741-43). Ses figl <elirlink href="aid:3198">Gubert</elirlink> ha occupà l'uffizi dal guvernatur en Vuclina en ils onns 1757-59.</p> Archiv: Ovras: Funtaunas: Litteratura: RN 3, 238 s. Silvio Färber  Wietzel, Gubert Wietzel [Wiezel], Lurainz  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: