e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Wildenberg Wildener, Christian  Wildenberg, von Famiglia da l'auta noblezza da la Rezia Sura dal 13. e 14. tsch. che appartegneva a la gruppa da parentella dals signurs von <elirlink href="aid:2568">Sagogn</elirlink> e von <elirlink href="aid:1041">Greifenstein</elirlink>. Ultra dal chastè da <elirlink href="aid:194">Chischlatsch</elirlink>/Falera, ch'ha dà en sia versiun tud. il num a la fam., e dals chastels da Greifenstein/Filisur, Freudenberg/Ragaz Bogn e Wartenstein/Faveras, disponivan ils W. d'in vast possess sparpaglià cun centers en Surselva (dretgira e domini da la Foppa, Flem), en Lumnezia (Cumbel, Vella), en la Val d'Alvra (Bravuogn) ed en l'Engiadina Bassa (Zernez). Il 1252 è doc. per l'emprima giada in Heinrich en connex cun ina dispita tr. l'uvestg da Cuira ed ils chastellans von Matsch, designà explicitamain sco figl dad Albert von Greifenstein. El è prob. identic cun Heinrich von Greifenstein che figurescha il 1243 sco testimoni en in doc. da Vaz. Dapi ils onns 1260 ha la fam. schlargià ses spazi d'activitad en direcziun da Gaster e da Sargans, nua ch'ella ha surpiglià il 1261, cun la protectura sur la claustra da Faveras, era il chastè da Freudenberg en possess da quella. In auter Heinrich, menz. il 1283 († avant il 1320), tgirava, sco ses bab da medem num, relaziuns stretgas cun la Germania dal Sid, spezialmain cun la claustra da premonstratens da Rot sper Biberach, fundada da lur perdavants da Sagogn ed a la quala el ha deditgà plirs legats fin l'entsch. dal 14. tschientaner. Suenter la mort da Heinrich (suenter il 1302), il davos represchentant masculin da la fam., è l'ierta ida sur sia figlia Anna (menz. il 1320, † avant il 1334) a la fam. dal consort da quella, il cont Hugo von W.-Heiligenberg. La davosa purtadra dal num W. è stada Agnes, abadessa da la claustra da Schänis 1362-1400.</p> Archiv: Ovras: Funtaunas: Litteratura: A. Mooser, W., 1927; J.L. Muraro, Untersuchungen zur Genealogie der Freiherren von W. und von Frauenberg, en: Churrätisches und st. gallisches Mittelalter, edì da H. Maurer, 1984, 67-89; M. Bundi, Zur Bedeutung der Freiherrschaft Sagogn im Mittelalter, en: BM, 1999, 31-58; HS IV/2, 453. Martin Leonhard  Wildenberg Wildener, Christian  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: