e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Randulins Rappenstein  Rapertg Chastè en la vischnanca da Pratval, situà a l'ur da la chavorgia dal Rietbach che separa la planira fritgaivla da la Tumleastga, tud. Rietberg. En il center dal vast cumplex sa chatta ina tur quadra da 2,5 m grossezza (13. tsch.), la part sura da la quala è vegnida transfurmada en il temp modern. En il 17. e 18. tsch. è la tur vegnida amplifitgada a l'interiur; da quel temp dateschan era ils edifizis cunfinants. R. è vegnì transfurmà pli tard en ina dimora signurila betg fortifitgada cun in mir da tschinta represchentativ, munì d'ina curnisch dentada senza valur fortificatorica. Il chastè è prob. vegnì construì enturn il 1250 sco sedia dals signurs de R., attestads en il 13. e 14. tsch. sco ministerials dals signurs de Sax-Mesauc, pli tard da l'uvestg da Cuira. Il chastè da R. è passà suenter il 1349 sco pegn episcopal a div. crediturs ed è vegnì vendì enturn il 1450 a la fam. Ringg. Il 1554 ha Hercules von Salis, guvernatur en Vuclina, acquistà l'implant, nua che Pompejus von Planta è vegnì assassinà il 1621 da Gieri Genatsch. Oz è R. en possess privat.<br /> </p> Archiv: Ovras: Funtaunas: Litteratura: Clavadetscher/Meyer, Burgenbuch, 124-26; Simmen, Wappen, 163-68. Maria-Letizia Boscardin  Randulins Rappenstein  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: