e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Rost, Joseph Benedikt von Roth [-Dalbert], Anny  Roten Vischnanca polit., cirq. Tumleastga, distr. Rain Posteriur. Vitg aglomerà situà lung la via sin ina terrassa bassa da la vart dretga dal Rain Posteriur, cun <elirlink href="aid:1968">Nueins</elirlink>. Ca. 1150 <em>ad Rautine</em>, tud. Rodels (uffiz.). 1803 106 abit.; 1850 135; 1900 147; 1950 178; 1970 152; 2000 281. Chat d'ina fossa dal temp da bronz en la part sut da la vischnanca. En il 12. tsch. era R. in vitg cumpactgruppà enturn ina gronda migiuria dal chapitel catedral da Cuira cun in'impurtanta cultivaziun dad ers. Il 1527 ha la vischnanca cumprà ora ils dretgs feudals. R. appartegneva ecclesiasticamain a S. Luregn a Pasqual; enturn il 1150 è attestada ina chaplutta a R., il 1697 la baselgia parochiala deditgada als ss. Cristoffel e Giachen il vegl. Cun excepziun da la fam. dominanta von Jecklin, è la vischnanca da R. restada catolica. La populaziun pratitgava antruras o.t. l'allevament da muvel e l'agricultura. Fin il 1851 è stà R. in vischinadi dal cumin d'Ortenstein (-Plaun). Correcziun dal Rain cun gudogn da terren en la planira a partir dal 1832. Colliaziun traversala a la Via Taliana/Via Sut (Spleia) 1883, staziun da la Viafier retica a R.-Riòlta 1896, construcziun dal stradun 1895-97. Il 1967 è vegnì installà a R. il curtin forestal chant., nua ch'ins cultivescha era semenzas custaivlas per ils guauds. Part da la populaziun da lingua rum.: 1880 62,2%; 1941 28,6% (LM); 2000 3,9%/9,3% (ML/Lindic).</p> Archiv: Ovras: Funtaunas: Litteratura: Kdm GR 3, 121-27; Gem. GR, nr 122, 1982; Gem. GR, 2003, 256 s. Jürg Simonett  Rost, Joseph Benedikt von Roth [-Dalbert], Anny  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: