e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Rüedi, Martin Rufer, Alfred  Rueun Vischnanca polit., cirq. Rueun, distr. Surselva (avant il 2001 Glogn), situada en il fund da la Val dal Rain Anteriur. 765 <em>Ruane</em> (copia), 1289 <em>Rvgans, </em>tud. Ruis (fin il 1943). 1850 365 abit.; 1900 371; 1910 495; 1950 501; 2000 460. Scuverta da trais maneras da bronz sin il territori da la vischnanca. En il temp medieval tempriv possedeva l'abazia da Mustér funs a R. Da quel temp existiva a R. era ina gronda curt roiala carolingica. En il temp autmedieval ha appartegnì R. al domini da Munt S. Gieri, dal 1473 fin il 1734 al cumin da Vuorz, alura è ella daventada il center dal cumin (cat.) cun il medem num. La baselgia da S. Andriu, menz. il 831 sco baselgia roiala privata, è passada pli tard a la claustra da Faveras, il 1472 a l'abazia da Mustér. Dapi il 1476 è R. ina plaiv independenta, pastorada da chaputschins tr. il 1628 ed il 1644. A partir dal temp medieval tardiv han ins explotà metal en la Val Schmuer, sin l'Alp Renasca ed a Sul Rhein. Il 1588 èn attestadas tschintg chavas, explotadas intensivamain a l'entsch. dal 17. e durant il 19. tsch. (sistidas suenter l'Emprima Guerra mundiala). Cun Siat exista ina cuminanza d'alp. Sper in pitschen dumber da bains purils posseda R. numerusas interpresas artisanalas; era il sectur terziar è sviluppà bain (turissem moderà en l'intschess dals centers da sport d'enviern da la Surselva). Meglieraziun gen. dapi il 1998. Consorzi da scola cun Pigniu e Siat (2005) e cun Vuorz ed Andiast (dapi il 2009). Il nov. 2002 han malauras chaschunà gronds donns d'aua a R. Part da la populaziun da lingua rum. 2000: 72%/82% (ML/Lindic).<br /> </p> Archiv: Ovras: Funtaunas: Litteratura: Kdm GR 4, 301-12; P. Dermont, Die Bergwerke der Gemeinde R.-Ruis bei Ilanz, en: Bergknappe, 16/1992, nr 2, 2-7; nr 3, 2-6; LQ, 18 e 19-11-2002; Cudischet da R., 2006. Adolf Collenberg  Rüedi, Martin Rufer, Alfred  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: