e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Sagogn, von Sal  Saissafratga Part da la vischnanca da Castrisch, anteriur lieu da dretgira dals <elirlink href="aid:1438">Libers</elirlink> da sur il guaud, menz. sco <em>Sessafret </em>en l'urbari habsburgais (1303-07). S. era prob. gia da quel temp il lieu da dretgira da la <em>centena</em> roiala (distr. administrativ) da Tuverasca. Il num S. deriva dal lat. <em>saxa fracta</em> (rum. crappa rutta) ed è vegnì substituì en il 16. tsch. tras <em>Sassfau</em>. S. sa chattava a la veglia punt che manava al nord da Castrisch sur il Rain (destruida da l'aua gronda il 1520 ed il 1693). Il glindesdi da Tschuncaisma salvavan qua ils Libers lur cumin (l'uschen. glindesdi superbi), e da s. Mitgel (29 da sett.) resp. da s. Hilari (13 da schan.) tegnevan els per regla dretgira. L'anteriur guaud da fau a S. (oz sparì), menz. en l'Urbari habsburgais (1303-07) sco possess roial, serviva da revier da chatscha a la signuria roiala. L'ipotesa, tenor la quala S. sa chattava sper Marcau en vischinanza da Lags è obsoleta.</p> Archiv: Ovras: Funtaunas: Litteratura: L. Joos, Zwei kleine Beiträge zur Geschichte der Freien von Laax, en: BM, 1930, 257-76. Adolf Collenberg  Sagogn, von Sal  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: