e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Sarazens Sarn  Sardona Alp en la Val Calfaisa (vischn. da Faveras), situada a ca. 1800 m al pe dal Piz S., dal Piz Dolf e da la Fuorcla <elirlink href="aid:1142">Trin</elirlink>. En il temp medieval ha appartegnì questa regiun al domini retic. 1346 <em>Sardan</em>. Da quel temp han colonists Gualsers da la Val dal Rain obtegnì da l'abazia da Faveras il dretg d'utilisar permanentamain l'Alp S. La plipart da lur bains sa chattava sin la spunda sanestra da la Foppa da S., depopulada a partir dal 15. tschientaner. Il 1652 ha la davosa abitanta bandunà la Val Calfaisa. Il CAS posseda ina chamona a S. (2157 m). <br />L'arena tectonica da la S. cumpiglia passa 300 km²  en ils chantuns Glaruna, S. Gagl e Grischun. Sia strivla magica da las Set Dunschalas (tud. Tschingelhörner) sco la part la pli spectaculara è vegnida distinguida sco singulara e recepida il 2008 sin basa da sias particularitads geologicas en la glista dal patrimoni natiral mundial da l'UNESCO.<br />  </p> Archiv: Ovras: Funtaunas: Litteratura: P. Zinsli, Walser Volkstum in der Schweiz, in Vorarlberg, Liechtenstein und Italien, 1976 (2002<sup>7</sup>); Bundi, Besiedlung, 140, 399; D. Imper, Weltweit einzigartig: Unesco-Weltnaturerbe Tektonikarena S., en: Terra plana, 4/2008, 3-8. Adolf Collenberg  Sarazens Sarn  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: