e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fischer, Florian Flearda  Fläsch Vischnanca polit., cirq. Maiavilla, distr. Landquart (avant il 2001 Landquart Sut), situada il pli al nord dal Grischun al pe dal Fläscherberg e dal Pass S. Gliezi. ca. 840 <em>Villa Flasce</em>. 1850 441 abit.; 1900 383; 1950 393; 1970 317; 2000 535. Scuverta d'ina culegna dal temp da bronz sin il Matluschkopf e d'ina ulteriura dal temp da fier tempriv a Parsax, ultra da quai da quatter chaltgeras dal 1. tsch. s.C. e da munaidas dal temp roman. Durant il temp medieval tempriv ha F. appartegnì al contadi francon da la Rezia Sut. En il temp autmedieval furmava F. il signuradi da Maiavilla/F. Aderida a la LDD il 1436, è la vischnanca passada il 1509 (tras vendita) a las Trais Lias. Ella è stada ina landfoctia da quellas ed è daventada ina vischnanca politica autonoma il 1803. La germanisaziun è stada terminada en il 14. tschientaner. Il 1480 è menz. ina chaplutta da S. Clau che steva da quel temp sut il patrunadi da la claustra da Faveras. Il 1524 ha F. adoptà sco emprima vischnanca grischuna la cretta refurmada. Separaziun da la baselgia da S. Amandus a Maiavilla 1569. Regulaziun dals cunfins cun Maiavilla 1617-1817. Lieu da bogns enconuschent tr. il 16. e la fin dal 18. tschientaner. L'arrundaziun dal funs è stada terminada il 1979. Ils manaschis èn vegnids sanads grazia a la spezialisaziun sin la viticultura (sectur economic impurtant dapi il 9. tsch.) e l'allevament da muvel u la cultivaziun dad ers. Il 2005 lavuravan 64% da las persunas cun activitad da gudogn a F. en l'emprim, 32% en il terz sectur; l'onn 2000 eran ca. 60% pendularis dal lieu. Economia forestala impurtanta. <br /><br /></p> Archiv: Ovras: Funtaunas: Litteratura: Kdm GR 2, 3-5; G.P. Bener, F., en: Rätia 3, 1939/40, 117–25, 184-89; Gem. GR, nr 49, 1981; A. Gredig, J. Rageth, Ein spätbronzezeitliches Brandgrab von F., en: ArS 23, 2000, 154–60; K. Fuchs, Das ehemalige Bad F. [...], en: BM, 2001, 276-96. Adolf Collenberg  Fischer, Florian Flearda  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: