e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schlans Schlarigna  Schlappin Pass alpin a 2202 m che collia il Partenz tras la Val Madris cun il Montafun. 1453 <em>Schluppin</em>, 1523 <em>Schlappei</em>, rum. Silvapina (ist.). Tenor Schorta deriva il num dal lat. <em>stloppus, </em>rum. schlop. Pass facilmain transibel, utilisà gia en il temp preroman. En il temp medieval serviva il S. da via da sauma per transports da martganzia e da muvel. El vegniva era utilisà da cuntrabandists e commerziants per guntgir la duana al Pass S. Gliezi. Il 1499 è stà il S. en il center da las Guerras svabaisas, il 1622 dals Scumbigls grischuns ed il 1799 da las guerras da la Revoluziun franzosa. Il 1621-22 han utilisà ils Austriacs il pass per il traffic commerzial. Ils Grischuns exportavan muvel sur il pass en barat cunter sal. Il 1525/26 è arrivà il refurmatur da Claustra, Jacob Spreiter, sur il S. Oz è il pass serrà per il traffic, el vegn dentant frequentà gugent da turists. L'aclaun da S. al pe dal pass (prob. ina culegna gualsra) è stà in abitadi permanent fin enturn il 1500, a l'entsch. dal 21. tsch. è el abità mo anc durant la stagiun da stad.<br /><br /><br /></p> Archiv: Ovras: Funtaunas: Litteratura: F. Heer, Silvapina, en: BM, 1931, 129-42, 171-82; RN 2, 325; F. Hew, Klosterser Heimatbuch, 1965². Adolf Collenberg  Schlans Schlarigna  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: