e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Fläsch Flecs  Flearda Vischnanca polit., cirq. Tusaun, distr. Rain Posteriur (avant il 2001 Mantogna). Vitg accumulà situà a 1234 m sin la Mantogna Dadens. 1156 <em>Flirden</em>, tud. Flerden (uffiz.). 1808 148 abit.; 1850 122; 1900 109; 1950 150; 2000 160. La curt centrala da F., menz. il 1156, appartegneva ens. cun quella dad Urmagn a la claustra da Cazas. La suveranitad territoriala han exercità fin il 1337 ils de Vaz, alura ils de Werdenberg e de Razén, dapi il 1475 l'uvestg da Cuira. Il 1709 ha la vischnanca cumprà ora ils davos dretgs feudals episcopals. Fin il 1851 ha F. furmà in vischinadi dal cumin da la Mantogna. Il 1426 è attestà in mir da defensiun (passadi nunenconuschent) che serviva prob. a segirar il <elirlink href="aid:3381">Tavellas</elirlink>. Il 1466 è doc. ina chaplutta deditgada a s. Leonard. Ecclesiasticamain appartegneva F. a Munt S. Gion/Reziòlta, dapi il 1505 a S. Gallus a Purtagn. Refurmaziun en ils onns 1530-40. Separaziun ecclesiastica da Purtagn 1670. La germanisaziun da F., terminada praticamain gia enturn il 1900, è succedida o.t. a partir da Tschupegna. Avertura da la via d'access a Tusaun 1901. Economicamain predominava l'allevament da muvel a F. (fundaziun d'ina societad d'allevament da muvel il 1893). Meglieraziun dal terren 1960-88. Il 2005 lavuravan 70% da las persunas cun activitad da gudogn a F. en l'emprim, 5% en il segund sectur; l'onn 2000 eran ca. 30% pendularis dal lieu. Dapi il 2005 consorzi da scola cun la Mantogna Sura.<br /><br /></p> Archiv: Ovras: Funtaunas: Litteratura: Kdm GR 3, 200-03; Gem. GR, nr 50, 1984; E. Zuan, Chronik der Gemeinde F., 1984; Gem. GR, 2003, 114 s.; SO, 3-2-2005. Jürg Simonett  Fläsch Flecs  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: