e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schlingia Schlumpf, Eveline  Schluein Vischnanca polit., cirq. Glion, distr. Surselva (avant il 2001 Glogn), situada sin la spunda sanestra da la Foppa. Consistenta da Casanova sco era da S. e Falerin, duas culegnas da different caracter. 831 <em>Falerunae</em>, 1298 <em>Sluwen</em>, tud. Schleuis (uffiz. fin il 1983). 1850 366 abit.; 1900 424; 1930 593; 1950 554; 2000 602. En il territori da la vischnanca sa chattan craps cultics pajauns (megalits), numnads Crap S. e Crap da pops. S. era oriundamain in feud episcopal. Dal temp medieval aut fin il 1803 era la vischnanca suttamessa (senza Falerin) al domini dals signurs von Löwenberg. La baselgia consecrada als ss. Pieder e Paul, menz. per l'emprima giada il 1321, era ina filiala da Sagogn. Il 1429 è S. entrà sco cumin en la LG ed ha alura furmà, ens. cun las dretgiras da la Foppa e da Tenna, la dretgira auta da la Foppa. Il 1530 ha la vischnanca cumprà ora las dieschmas ed ils dretgs feudals seculars, il 1585 ils dretgs giudizials. Tr. il 15. ed il 17. tsch. sa spartiva la via en la Lumnezia resp. en la Val S. Pieder ed en la Val Stussavgia a S. e traversava il Rain al sidost per Saissafratga u Sassfau (en vischinanza da Castrisch). La vischnanca da S. profita da la situaziun favuraivla dal traffic e dispona d'ina buna structura demografica ed economica. Il 2005 purscheva il 1. sectur anc passa 15%, il 3. sectur ca. 54% da las plazzas da lavur en la vischnanca. Part da la populaziun da lingua rum.: 1941 84,6% (LM); 2000 53,2%/66,1% (ML/Lindic).<br /> <br />  </p> Archiv: Ovras: Funtaunas: Litteratura: Kdm GR 4, 104-11; Clavadetscher/Meyer, Burgenbuch, 92, 357; O. Caduff, S., 1298-1998, 1999; Gem. GR, 2003, 300 s. Adolf Collenberg  Schlingia Schlumpf, Eveline  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: