e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Schnagg, Johannes Schocher, Martin  Schnaus Vischnanca polit., cirq. Glion, distr. Surselva (avant il 2001 Glogn), situada a la via da la Surselva sur il Rain Anteriur, cun l'alp da S. sco exclava a l'ost sur la Val da Siat. Ca. 840 <em>Scanaues</em>. 1850 126 abit.; 1900 123; 1950 134; 1990 79; 2000 99. S. appartegna al vegl territori da colonisaziun. Il 1470 è la vischnanca sa separada dal vischinadi economic cun Ruschein e Ladir; oz furma ella dentant puspè ina corporaziun d'alp cun quellas vischnancas. La baselgia deditgada als ss. Bistgaun, Maria Magdalena e Gieri, attestada il 1480, era ina filiala da S. Rumetg a Falera. Enturn il 1526 ha S. adoptà la cretta ref., sa separond da Falera e s'unind cun Glion. Dal 1692 fin il 1865 ha ella furmà in'atgna plaiv ed è alura s'unida cun Vuorz. En il 16.-19. tsch. aveva S. plirs manaschis industrials e commerzials a l'aual da Siat (resgia, mulin, fravgia da ferrera), conservads oz per part en il Museum regiunal Surselva a Glion. Tr. il 1875 ed il 1964 ha producì il manaschi da la fam. Giger il famus criec da Schnaus, in arader fitg dumandà. Il 2005 furniva il 1. sectur 50% dumber da las plazzas da lavur. Grazia als tschains d'aua da las OE Glion I e II ha la vischnanca pudì meglierar sia situaziun finanziala. Part da la pop. da lingua rum.: 1941 68,3% (LM); 2000 45,5%/65,7% (ML/Lindic).<br /><br /></p> Archiv: Ovras: Funtaunas: Litteratura: H. Bertogg, Beiträge zur mittelalterlichen Geschichte der Kirchgemeinde am Vorder- und Hinterrhein, 1937; Gem. GR, nr 154, 1984. Martin Bundi  Schnagg, Johannes Schocher, Martin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: