e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Sectur da servetschs Segantini, Giovanni  Sedrun Lieu principal e center administrativ da la vischnanca polit. da Tujetsch. Domicil dal museum e da la chasa da vegls da la val e center da scola (cun Rueras). La baselgia da S. Vigeli, menz. per l'emprima giada il 1205, è la baselgia principala ed il lieu da sepultura da la val. S. era probablamain gia avant il 1205 ina plaiv. Fin il 1491 aveva la claustra da Mustér la collatura, alura è la plaiv vegnida incorporada a l'abazia. Il 1796 ha Lucas Cavegn laschà eriger l'emprim hotel a S. (Hotel Cruna). A la fin dal 19. tsch. han inizià ses descendents il svilup turistic en il Tujetsch. Tr. il 1914 ed il 1956 èn vegnids construids sis hotels en la val, quatter da quels a S. Il 1896 èn attestads ils emprims turists da skis. La scola da skis a S., fundada il 1929, è ina da las emprimas en Svizra. Il 1947 è vegnì construì l'emprim runal a S. Suenter il 1960 han l'hotellaria e la parahotellaria fatg in svilup rasant. Sut S. sa chatta in'entrada al tunnel da basa dal Gottard (Porta Alpina).<br /><br /></p> Archiv: Ovras: Funtaunas: Litteratura: Tujetsch: igl andament da sia historia, 1987; P. Spescha, Beschreibung der Val Tujetsch (1806), edì ed introd. dad U. Scholian Izeti, 2009. Adolf Collenberg  Sectur da servetschs Segantini, Giovanni  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: