e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Serro, Giovanni Servetsch archeologic dal Grischun  Sertig Il num S. designescha ina val sco era in pass e deriva dal lat. <em>surgere</em>, rum. s'elevar, u dal tal. dal nord <em>sortiva</em>, rum. funtauna. L'emprima menziun <em>Sertix </em>datescha dal 1400. La val laterala sanestra da la regiun da Tavau cumpiglia plirs bains, p.ex. Clavadel e Gaschurna, sco era S.-Dörfli (1861 m). Il S. aveva da pajar tschains al chapitel catedral da Cuira. L'emprima colonisaziun è succedida tras Rumantschs, immigrads per part prob. dal Montafun. A partir dal 14. tsch. èn immigrads Gualsers. S.-Dörfli era enturn il 1562 ina culegna permanenta, ed il 1699 possedeva la val in'atgna baselgia. Da la fin dal 18. tsch. derivan recipients ed uras da lain construids dals abitants da Gaschurna. Dal Chüealptal maina ina senda sur il Pass dal S. (2739 m) als lais da Ravais-ch e tras la Val Tuors a Bravuogn. Il pass n'ha gì nagin'impurtanza per l'istorgia dal traffic da transit e serva oz sulettamain ad intents turistics ed alpinistics. Dapi il 1999 exista a S.-Dörfli in nov hotel (Walserhaus), avert la stad e l'enviern. La Val S. posseda in territori d'alp apprezià ed ina via cun colliaziun d'auto postal durant ils mais da stad.<br /><br /></p> Archiv: Ovras: Funtaunas: Litteratura: A. Guler, Das Sertigtal und seine Alpwirtschaft in Geschichte und Sage, en: JberWV GR, 1989, 37-46. Martin Bundi  Serro, Giovanni Servetsch archeologic dal Grischun  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: