e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Set, Pass dal Sforza  Sevgein Vischnanca polit., cirq. Glion, distr. Surselva (avant il 2001 Glogn), situada sin ina terrassa al sid da la Val dal Rain Anteriur a la sortida da la Val Lumnezia, cun la culegna Isla en vischinanza da Glion. Ca. 840 <em>Souiene</em>, tud. Seewis im Oberland (uffiz. fin il 1943). 1850 173 abit.; 1900 179; 1950 210; 1970 151; 2000 207. Chats dal temp da bronz (Cultura da Crestaulta) e dal temp rom. sut la baselgia. Ils nums da las collinas Purnal/Parnaul ed il Chischlatsch sur il vitg, deducì dal lat. <em>castellum</em>, fan allusiun a vegls chastels dal pievel. Enturn il 840 era S. in bain roial carolingic. Ultra da purs libers han disponì en il 14. tsch. ils baruns de Montalt da gronds possess. Lur chastè da fam., il Casti, sa chattava a la via veglia da S. a Pitasch. Tributs e toponims (<em>Quadras</em>) conferman la predominanza da l'agricultura e da l'allevament da muvel en il temp medieval tardiv. Durant la Refurmaziun è la vischnanca da S. restada prevalentamain catolica. Il 1575 è ella sa separada ecclesiasticamain da Castrisch, convertida a la cretta ref., ed è daventada in'atgna plaiv (s. Tumasch) il 1647. La baselgia barocca dal 1694, in edifizi impurtant per l'istorgia d'art, è il tschintgavel implant existent dapi il 8. tsch. en quest lieu. En il temp medieval tardiv ha la vischnanca da S. appartegnì al Signuradi da Lags, dal qual ella è sa separada il 1518. Alura ha S. furmà fin il 1850 ina dretgira cun Lags. L'allevament da muvel e la mastergnanza furman anc adina las funtaunas d'entrada principalas da la vischnanca. Il 1976 è S. vegnì distinguì dal Cussegl d'Europa per sia excellenta planisaziun locala e per la tgira da monuments. Meglieraziun gen. 1997-2010. Part da la populaziun da lingua rum. 2000: 54,6%/73,9% (ML/Lindic).<br /><br /></p> Archiv: Ovras: Funtaunas: Litteratura: Gem. GR, nr 159, 1982; Cudischet da S., 2007. Martin Bundi  Set, Pass dal Sforza  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: