e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Sialm, Giusep Maria Siegrist, Gottlieb [Götti]  Siat Vischnanca polit., cirq. Rueun, distr. Surselva (avant il 2001 Glogn). Vitg a mantun situà aut sur la Val dal Rain Anteriur, cun l'alp da S. entadim la Val da S. Ca. 840 <em>Septe</em>, fin il 1943 uffiz. Seth. 1803: 203 abit.; 1850 239; 1900 185; 1950 219; 1960 241; 2000 189. Durant il temp medieval aut era S. sut il domini dals signurs de Friberg ch'avevan qua lur chastè da famiglia. Cun il signuradi da Munt S. Gieri è Friberg passà il 1343 als baruns de Razén, a partir dal 1458 als Zollerns ed il 1472 a la claustra da Mustér. Fin il 1734 ha S. appartegnì al cumin sortì dal signuradi da Munt S. Gieri. Dapi alura furmava la vischnanca in cumin cun Rueun, Schlans ed Andiast. La baselgia (consecrada a s. Flurin u a s. Gliezi?), menz. enturn l'onn 840 cun l'obligaziun da pajar dieschmas a la claustra da Faveras, era ina filiala da Ruschein, da la quala ella è sa separada definitivamain pir il 1644. Durant la Refurmaziun è la vischnanca da S. restada fidaivla a la cretta catolic. En il 16. tsch. è doc. ina cultivaziun alternanta. Fin il 1960 han ils da S. pratitgà l'agricultura da muntogna tradiziunala. Il 2005 eran 69% da las persunas cun activitad da gudogn a S. occupadas en l'emprim sectur. En l'agricultura predomineschan l'allevament da muvel e l'engrasch (corporaziun d'alp cun Rueun). Meglieraziun gen. 1992-2010. Numerus pendularis. Consorzi da scola cun Pigniu e Rueun dapi il 2005 (scola a Rueun). Part da la populaziun da lingua rum. 2000: 82,5%/89,4% (ML/Lindic).<br /><br /></p> Archiv: Ovras: Funtaunas: Litteratura: Kdm GR 4, 312-21; Gem. GR, nr. 160, 1985; LQ, 27-9-2002. Adolf Collenberg  Sialm, Giusep Maria Siegrist, Gottlieb [Götti]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: