e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Son Gliezi, Pass da Son Luzi  Son Hilari Anteriura claustra a Cuira, situada sin la spunda dal Pizokel sur il Sand, tud. Sankt Hilarien. La baselgia è prob. vegnida erigida enturn l'onn 700 (u pli baud?) e sa chattava dador la citad. Ella è attestada pliras giadas enturn l'onn 800 sco <em>Furtunes</em>, il posteriur lieu da la claustra ed anteriur lieu da pelegrinadi. Enturn l'onn 830 era ella in bain roial, regalà l'onn 958 da l'imp. Otto I, ens. cun la curt, a la curia episcopala. Il 1150 è la claustra vegnida occupada da mungias premonstratensas sut la direcziun spirituala da S. Gliezi. Il 1209 è passada la baselgia a la claustra da S. Gliezi. Attestada la davosa giada il 1347, è S. alura vegnì bandunà e schlià sut l'influenza da la Refurmaziun. Il 1538/39 èn ids ils bains da S. sco feuds ereditars als burgais da Cuira, pli tard a privats. La baselgia da S. appartegna al Seminari da spirituals S. Gliezi dapi il 1899.<br /><br /></p> Archiv: Ovras: Funtaunas: Litteratura: Kdm GR 7, 282 s.; C. Simonett, Geschichte der Stadt Chur 1, 1976, 91 s. Adolf Collenberg  Son Gliezi, Pass da Son Luzi  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: